भाजपाच्या नगराध्यक्ष उमेदवार ॲड. प्रणोती निबोंरकर (भांडेकर) यांची प्रचारात आघाडी. महसूल मंत्री बावनकुळे यांच्या हस्ते आज प्रचार कार्यालयाचे उद्घाटन.
गडचिरोली: गडचिरोली शहरातील भाजपच्या नगराध्यक्ष पदाच्या उमेदवार ॲड. प्रणोती निबोंरकर (भांडेकर) यांनी प्रचारात आघाडी घेतली असून त्यांच्या चामोर्शी रोडवरील प्रचार कार्यालयाचे उद्घाटन महसूल मंत्री नामदार चंद्रशेखर बावनकुळे यांच्या हस्ते केले जाणार आहे. ॲड. प्रणोती निबोंरकर (भांडेकर) या कायदा विषयातील उच्चविद्याविभूषित असून त्यांच्या ज्ञानाचा उपयोग शहराच्या सर्वांगीण विकासासाठी केला जाऊ शकतो. शहरातील मूलभूत प्रश्न सोडविण्यासाठी योग्य उमेदवाराची निवड केल्यास त्यांचा अग्रक्रम दिसून येतो. निंबोरकर व भांडेकर कुटुंबीय यांचा सामाजिक कार्यात व समाजसेवेत आजपर्यंत त्यांचा मोलाचा वाटा राहिलेला आहे. शहरातील राहिलेले बायपासचा प्रश्न, रस्त्याची कामे, सुसज्ज सभागृह, नगर उद्यान, मनोरंजन व तलावाचे सौंदर्यीकरण, शहराचा नवीन विकास आराखडा तयार करून त्याची अंमलबजावणी करणे यासाठी ॲड. प्रणोती निबोंरकर (भांडेकर) यांना निवडून आणणे शहराच्या जनतेच्या दृष्टीने आवश्यक दिसून येते. महसूल मंत्री नामदार चंद्रशेखर बावनकुळे यांच्या आगमनामुळे गडचिरोली शहरात भाजपामध्ये नवचैतन्य निर्माण झाले असून येणाऱ्या निवडणुकीत विजयराव खेचून आणण्यासाठी सर्व कार्यकर्ते एकजुटीने कामाला लागलेले दिसून येत आहेत. त्यामुळे नगराध्यक्ष पदाच्या निवडणुकीत ॲड. प्रणोती निबोंरकर (भांडेकर) यांना मोठी संधी चालून आली आहे. ॲड. प्रणोती निबोंरकर (भांडेकर) यांच्या विजयासाठी माझी खासदार डॉक्टर अशोक नेते, स्थानिक आमदार डॉक्टर मिलिंद नरोटे, भाजपा निवडणूक प्रभारी आमदार बंटी बांगडीया, निवडणूक प्रमुख प्रशांत वाघरे, भाजपा जिल्हाध्यक्ष रमेश बारसागडे, माजी आमदार डॉक्टर देवराव होळी,जिल्हा महामंत्री गोविंद सारडा व सर्व भाजपा पदाधिकारी प्रयत्नांची पराकाष्ठा करताना दिसून येत आहेत.